المساعد الشخصي الرقمي

مشاهدة النسخة كاملة : اقتراح للمشرفين


فاضل الساري
08-03-2011, 04:29 AM
بســــم اللة الرحمــــن الرحيــــم

السلام عليكم جميعا ونشكركم على هذا الموقع الاكثر من رائع واللي يلبي ويختصر الكثير من الوقت والجهد على كثير من الناس والله يعطيكم العافية ويوفقكم ودايما الى الامام يارب
بس ماعليكم امر عندي اقتراح الى القائمين على الموقع لو تقومون بتخصيص وصلة داخل كل منتدى باسم المنطقة يعني مثلا لمن أنا اكون من المنطقة الشرقية ادخل على مشاوير المنطقة الشرقية طيب أنا مثلا ساكن بالخبر ابي اروح مباشرة الى اعلانات الناس اللي توصل وتبدأ مشاويرها من الخبر عشان البحث يكون اسهل ومختصر على الطرفين الطرف طالب الخدمة والطرف الموفر للخدمة عشان اللي يبي يوصل يعرف من وين يبدي لأن في ناس عندها جدول وخط سير تمشي عليه وهذا راح يختصر الوقت والجهد أكثر .....يعني مثال: داخل منتدى مشاوير المنطقة الشرقية طبعا المنطقة الشرقية تحتوي على عدة مناطق منها الخبر الدمام..القطيف ..والجنوبيه معاها الاحساء الهفوف...الخ
يعني لوتثبتون بأسماء المناطق يعني ادخل في منتدى مشاوير المنطقة الشرقية والجنوبية اشوف تثبيت بأسماء المناطق ..مثلا مشاوير الخبر ...مشاوير الدمام....مشاوير القطيف..مشاوير الجبيل...مشاوير الاحساء ...وبهذي الطريقة كل شخص راح يدخل على المنطقة اللي هو فيها يعني يبي احد يبدي التوصيل منها ...والشخص اللي يبي يحط اعلان للتوصيل راح يدخل ويعلن في اقرب منطقة يقدر ينطلق منها هو ...وبعد حطو منتدي مثبت بأسم مشاوير جميع دول الخليج عشان اللي يبي يروح على طول وعلى اسم الدولة عشان خدماتكم تكون اشمل وما اعتقد ان في موقع راح يكون سبقكم الى هذي الفكرة لأنها راح تكون اسهل وأشمل فكرة

وشكرا لكم مع تمنياتي لكم بدوام التوفيق والعافية:)

عادي
08-04-2011, 12:03 AM
شكرا لافتراحك

ويحتاج مزيد من الطلبات الفكره وراده علينا من قبل

فقط ننتظر منك مزيد من التفاعل والمشاركات :)في نفس القسم واضافه مع الاقسام الاخرى